Matthew 12:9-14
Ame si titi lé asi na
(Marko 3:1-6; Luka 6:6-11)
9Le esia megbe la, eyi Yudatɔwo ƒe ƒuƒoƒe 10eye wòkpɔ ame aɖe si titi lé asi na le afi ma. Farisitɔ siwo nɔ afi ma la biae enumake bena, “Ele sea nu be woada gbe le ame ŋu le Sabat ŋkekea dzia?” Wonɔ mɔ kpɔm be aɖo eŋu be “E”, ale be yewoalée. 11Ke Yesu ɖo eŋu na wo bena, “Nenye be alẽ wò ge ɖe vudo me le Sabat ŋkeke dzi ɖe màɖee le eme oa? Àɖee le eme godoo! 12Ke ɖe amegbetɔ ƒe agbe mele vevie tsɔ wu alẽ tɔ oa? Eya ta enyo vavã be woawɔ dɔ nyui le Sabat ŋkekea dzi.” 13Azɔ egblɔ na ame si titi lé asi na bena, “Dzɔ wò asi”, eye esi wòdzɔe la, eƒe asi gaɖɔ ɖo abe evelia ene.14Le nu si Yesu wɔ ta la, Farisitɔwo yɔ takpekpe kpata aɖe bena yewoawɔ ɖoɖo ɖe ale si yewoawɔ alée awu ŋuti.
Copyright information for
EweBEE